1,124 Бардыгы /

   БИШКЕК. Саламаттыкты сактоо министри Космосбек Чолпонбаев жана USAID миссиясынын директору Гэри Линден АКШнын Эл аралык өнүгү боюнча агенттиги (USAID) жана Кыргыз Республикасынын ортосунда кургак учук менен күрөшүү боюнча өнөктөштүк жөнүндө Билдирүүгө кол коюшту. Бул документ жыл сайын 500дөй кыргызстандыктын өмүрүн алган кургак учукту азайтуу боюнча өлкөнүн максаттарына жетүү боюнча эки тарап тең иштөөгө даяр экендигин тастыктайт. 

USAID жана Саламаттыкты сактоо министрлиги кургак учукка каршы күрөшүү боюнча 25 жылдан бери тыгыз кызматташып келатат. Бул ырааттуу өнөктөштүк көптөгөн жетишкендиктерге  көмөктөштү. Маселен, акыркы беш жылда гана кургак учуктан өдлмдүн саны дээрлик 34 пайызга азайып, ал эми ооруга чалдыккандарды катары 18 пайызга кыскарды. Азыркы учурда кургак учук ооруканалары мамлекеттик каражаттарды натыйжалуу гана колдонуп, бейтаптарды чукул арада дарылап, алар кыска убакыттын ичинде үйүнө кайтышып, кадимки жашоосун улантышууда. Ошентип,  саламаттыкты сактоо системасында үнөмдөлгөн мамлекеттик каржы кургак учук менен күрөшүү боюнча улуттук Программаны күчөтүү боюнча башка иштерге бөлүнгөн. Мындан тышкары USAID жаңы дарыларды жана дарылоонун кыска режимдерин киргизүүдө дагы аябай көмөктөштү. Натыйжада дарылануунун кошумча таасирлери азайып, дарылануу жеңилдеп, жалпы көрсөткүчтөр дээрлик жакшырды. Мындай өзгөрүлөр жана инновациялар Улуттук кургак учукка каршы Программасынын лидерлиги менен оруналды.

Ошентип, аталган жаңы Келишимге ылайык USAID өлкөбүздүн Саламаттыкты сактоо министрлиги жана башка кызыккан тараптар менен тыгыз байланышта иш алып барат дагы, кургак учукка каршы Программасынын бекемдөөгө, алгачкы медициналык жардам көрсөтүү жана жалпы бейтапканалардын деңгээлинде кургак учукка каршы күрөшүүнү жакшыртууга гана бекем көмөктөшөт.

Алишер ТОКСОНБАЕВ, өз кабарчы