3 Бардыгы /

Иш-чарага Кыргызстан мусулмандарынын Дин башкармалыгынын Жалал-Абад облусу боюнча өкүлчүлүгү, Манас шаардык хатибияты, Улуттук коопсуздук мамлекеттик комитетинин тиешелүү түзүмү, ички иштер бөлүмү жана Манас шаарынын мэриясы тарабынан биргеликте уюштурулду.

Манас шаарынын мэриясынын маалымат борбору билдигендей, семинарга Манас шаарынын мэринин орун басары Кубанычбек Шерматов, Жалал-Абад облусунун казиятынын жана тиешелүү мекемелердин өкүлдөрү катышты.

Жолугушууда дин тутуу эркиндиги, салттуу исламдын баалуулуктары, ошондой эле жаштарга туура диний түшүнүк берүү, диний радикализм жана экстремизмдин алдын алуу боюнча түшүндүрүү иштерин күчөтүү маселелери талкууланды.

Семинардын жыйынтыгында коомдо тынчтыкты жана ынтымакты сактоодо мамлекеттик органдар менен диний түзүмдөр биргеликте иш алып баруусунун маанилүүлүгү белгиленди.