757 Бардыгы /

БИШКЕК. Кыргыз Республикасынын Тышкы иштер Министри Чыңгыз Айдарбеков АКШнын Мамлекеттик катчысынын жардамчысынын орун басары Джонатан Хеникти кабыл алды. Анткени, АКШнын бул атайын делегациясы Төртүнчү ар жылдык Кыргыз-Америка эки тараптуу кеңешине катышуу максатында Бишкекке сапарлады.

Тараптар техникалык-экономикалык жана гуманитардык кызматташтык жөнүндө жаңыланган Макулдашуу боюнча сүйлөшүүлөрдүн жүрүшүн, биргелешкен практикалык долбоорлордун багыттарын, ошондой эле Кыргыз Республикасынан мыйзамсыз чыгарылып кеткен активдерди кайтаруу боюнча кызматташтыкты жандантуу маселелерин ачык-айкын талкуулашты. Америкалык тарап Кыргыз Республикасынын демократиялык жетишкендиктерин жогору баалады жана өлкөдөгү демократиялык институттарды жана базар экономикасын бекемдөөгө мындан ары дагы туруктуу көмөк көрсөтүүгө даяр экендигин ачыктады.          

– Биздин өз ара мамилелерибизди бекемдөө ниетибиз абдан күч. Кыргыз Республикасы жетишкен прогрессти көрүүгө кубанычта болдум, – деп ымандай сырын жашырган жок АКШнын Мамлекеттик катчысынын жардамчысынын Орунбасары Джонатан Хеник.

Жолугушуу соңунда тараптар Кыргыз-Америка мамилелерин заманбап жаңы мазмун менен толуктоо зарылдыгы туурасында дагы өз ара түшүнүшүүгө жетишишти.

 Алишер ТОКСОНБАЕВ, өз кабарчы