1,031 Бардыгы /

Тажикстанда кыйноого каршы коалиция 38 жаштагы Душанбе тургунун уруп-согууга айыпталган эки милиционердин дайны чыкпай жатканына кабатыр болууда.

Буга чейин прокуратура Сафар Додаров менен Зубайдулло Сангинмуродзоданын дайны чыкпаганына байланыштуу кылмыш ишин тергөөнү токтоткон. Жабырлануучу тарап эки милиция кызматкери тең Тажикстанда экенин, тергөөдөн качып жүрүшкөнүн билдиришүүдө.

2019-жылы 31-мартта эки милиция кызматкери Душанбе дарыясынын жээгинде заара ушатып жаткан жаранды катуу сабап, наркологиялык бөлүмгө, андан соң соолуктуруучу жайга алып барышкан. Умед Хикоятовун табарсыгына операция жасалган, бирок мөндөлөктөрүн калыбына келтирүүгө мүмкүн болгон эмес.

Тажикстан ИИМинин маалымат катчысы Умаржон Эмомали кылмышка шектүү милиция кызматкерлери жумуштан бошотулганын, алардын азыр кайда экенине прокуратура органдары жооп берерин билдирди.

Зубайдулло Сангинмуродзода менен Сафар Додаровго “кызмат абалынан кыянат пайдалануу” беренеси менен кылмыш иши козголгон. Алардын күнөөсү аныкталса, 50дөн 100 миң сомониге (5-10 миң доллар) чейин айыппул төлөп, же беш жылдан он жылга чейин эркинен ажыратылышы мүмкүн.

www.