1,219 Бардыгы /

Өкмөттүн Жалал-Абад областындагы Ыйгарым укуктуу Өкүлчүлүгүнүн аппаратына келип түшкөн маалыматка ылайык област боюнча 34 миң 18 бала бакчага барат. Тактап айтканда балдардын 33,3 пайызын камтыйт.

Областтын аймагында бүгүнкү күндө 295 мектепке чейинки билим берүүчү мекемелери бар. Алардан 161 муниципалдык, 104 мамлекеттик, 19 жеке менчик, 4 ведомстволук, 7 жамааттык болуп эсептелет. Жалпы 34 миң 18 бала тарбияланып, камтуу көрсөткүчү 33,3% түзөт.

Ошондой эле үстүбүздөгү жылы Ноокен районунда 3, Чаткал районунда 1 бала бакча колдонууга берилген.

Ал эми бала бакчалардын санын көбөйтүү үчүн ар бир айыл өкмөттөр, жергиликтүү бийликтер жеке демөөрчүлөрдү табуу үстүндө иштеп келишет.

Андан сырткары Кыргыз Республикасынын Өкмөтүнүн 2013-жылдын 30-майындагы «Менчиктештирилген, профилдештирилген жана мамлекеттик мекеме уюмдарга берилген мектепке чейинки билим берүү мекемелеринин имараттарын кайтарып өткөрүп берүү жөнүндөгү» №219-р буйругунун негизинде иш алып барышууда.

Област боюнча мына ушундай убагында менчикке жана башк мекеме уюмдарга имараты берилип кеткен 67 мектеппке чейинки билим берүү мекемеси бар. Алардын 43 бүгүнкү күндө кайтарылып алынды. Калган 24 мекемени да кайтаруу аракеттери жүрүүдө.

Кошумчалай кетсек, быйылкы жылы Жалал-Абад шаарында депутаттардын сунушу менен балдарга карата ырайымсыз мамиленин, зомбулуктун алдын алуу максатында 22 мектепке чейинки мекемелерге жергиликтүү бюджеттин эсебинен 1 миллион 800 сом акча каражатына видео кѳзѳмѳл орнотулган.

Роза АКМАТЖАН кызы, “Аймак”