1,518 Бардыгы /

Тажикстанда ата-энелер айрым мектептерде 1-класстын окуучуларынан 40тан 200 сомониге чейин акча талап кылынып жатканына даттанышууда.

Тажикстан билим берүү жана илим министрлиги 1-класстын окуучуларынын ата-энелеринен акча талап кылуу боюнча даттануулар түшкөнүн, бирок бул фактылар тастыкталбаганын маалымдады.

Министрликтин басма сөз катчысы Эхсони Хушвахттын билдиришинче, ата-энелер кошумча сабактар үчүн гана акча төлөшөт. Мектеп имараттарын оңдоп-түзөө, эмеректерди сатып алуу, кароолчу жана техникалык кызматкерлердин маянасын төлөө үчүн мажбурлап акча чогултууга тыюу салынат:

– Эгер ата-энелер мектеп имаратын жакшыртууга жардам бергиси келсе, өзүнчө эсеп ачып, акчаны ошол жакка которушу керек. Акчаны мугалимдердин жана тарбиячылардын колуна берүүгө тыюу салынат.

Яван аймагынын атын атагысы келбеген жашоочусу №1 мектептин администрациясы ата-энелерден ремонт, ашканада тамактануу жана документтер үчүн 220 сомони (24 доллар) талап кылып жатканын айтты. Мектептин директору акча ыктыярдуу негизде чогултулуп жатканын билдирди.

Тажикстанда орто мектептерде ата-энелерден акча чогултуу мыйзамсыз деп табылган.

www.