645 Бардыгы /

28-августта Алматыда басма сөз жыйынын өткөргөн бир нече активист “Жарандык демилгелер коалициясы” түзүлгөнүн жарыялады. Анын максаты – демократиялык, укуктук жана социалдык мамлекет курууга багытталган реформаларды ишке ашырууга көмөктөшүү.

Коалиция шайлоолор жөнүндө жаңы мыйзам иштеп чыгууну, укуктук, каржылык сабаттуулукту жогорулатуу боюнча аянтчаларды түзүүнү, жарандык коомчулуктун кызыкчылыгын коргоо боюнча юридикалык палата ачууну пландоодо. Жаңы бирикмени өлкөдөгү бир нече көз карандысыз уюмдар колдоого алган.

Жалпы улуттук социал-демократиялык партиясынын төрагасы Ермурат Бапи өзү башкарган уюм коалиция менен иштөөгө даяр экенин айтты.

– Коалиция – бул жарандык бирикме. Бул коомдогу өзгөрүүлөр үчүн керек. Өзгөрүүлөр үчүн классикалык жумуш ыкмалары бар. Албетте, бул – коом менен тыгыз иштөө. Жарандык коомчулуктун активисттерин тартуу. Бул аркылуу жалпы элдик, сөздүн жакшы маанисинде жалпы казакстандык “майдан” куруу.

Казакстанда Конституция боюнча парламенттик шайлоо 2021-жылы болот. Айрым байкоочулар шайлоо мөөнөтүнөн мурда өтүшү мүмкүн экенин четке кагышпайт.

www.