1,420 Бардыгы /

БАТКЕН. Кадамжай районунун А. Орозбеков, А. Масалиев, Майдан айыл өкмөттөрүндөгү мектептердин ачылуу аземине Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров,Транспорт жана жолдор министри Жаннат Бейшенов катышышып, окуучуларды жана мугалимдерди билим күнү жана жаңы мектептин ачылышы менен кызуу куттукташты.

Акрам Мадумаров жаңыдан пайдаланууга тапшырылган мектептердин ар бирине сыналгы белекке тартуулады. Ошондой эле мектептин алдыңкы мугалимдерин, мектептин курулушуна салым кошкон инсандарды дагы сыйлады.  Пайдаланууга берилип жаткан Орозбеков айыл өкмөтүндөгү “Охна” гимназия мектебинин 225 орундуу  кошумча имаратынын курулушуна республикалык бюджеттен  59 миллион сомдон ашык каражат жумшалып, спорт залы, ашканасы  өңдөнгөн бардык керек болгон шарттары менен жапжаңы имарат бүткөрүлдү.Буга чейин аталган мектептин имараты жер титирөөдөн соң кооптуу абалга келип, 1200дөн ашуун окуучу үч нөөмөттө билим алып келишкен.  Ал эми Масалиев айыл өкмөтүндөгү Абдыкадыр Орозбеков атындагы орто мектебинин 125 орундуу кошумча имараты “Ассанабил” Кайрымдуулук фондунун колдоосу аркасында 20 миллион сомго бүткөрүлдү. Бугачейин  айылдын окуучулары эски, ашар жолу менен курулган клубдун имаратында билим алып келишкен. Мындан тышкары Майдан айыл өкмөтүндөгү “Исфайрам” орто мектеби 275 орунга ылайыкташып, 59 миллион  сомго мектептин курулушу аяктады. Агартуу журтунун эски имараты мындан 40 жыл мурда курулуп, таптакыр эскилиги жеткен эле. Ал эми Лейлек районундагы ачылган  алыскы Ак-Суу айыл өкмөтүндөгү М.Горкий атындагы орто мектеби 475 орунга ылайыкташып, курулуштун келишимдик баасы 6266,5 миң сомдутүздү.

Ушул тапта Баткен облусунда дагы 17 мектептин курулушу кызуу жүрүп жатат.  Алардын басымдуулугу республикалык бюджеттин каржылоосу менен башталган. Ал эми жер-жерлерде мектеп көйгөйүн жергиликтүү бийликтер инвестициятартуу,  донорлор менен иштешүүнүн аркасында гана чечип келатышат. Ушул тапта Баткен облусунда жалпысынан 235 мектеп бар.

Алишер, ТОКСОНБАЕВ, өз кабарчы