1,416 Бардыгы /

БАТКЕН. Агрардык аймак сыңары эсептелген Баткен облусунун аймагында органикалык чарба жүргүзүү менен экологиялык таза азыктарды өндүрүү, фермер-дыйкандардын кирешесин жогорулатууга шарт жаратуу максатында былтыр жаңы “БиоФабрика”ачылып иштей баштаган.

Аталган ишкана ушул тапта айыл чарба багытына  органикалык жер семирткичтерди  жана  илдеттерге,  зыянкечтерге каршы био каражаттарды өндүрүп жаткан чагы. Өндүрүлгөн продукциянын таасирин, натыйжасын аныктоо максатында, пилоттук негизде  облустун аймагында бир катар чарбалар тандалып алынган. Дал ушул    пилоттук чарбалардын өндүрүп жаткан азыктарынын көргөзмөсү уюштурулду. Анда БиоФабрикада органика жана биокаражаттар туурасында кеңири маалыматтар берилди.

Баткен облусунун аймагында органикалык багытта иш алып барууга алты   пилоттук чарбалар тандалып алынган. Аталган иш-чарага Кыргыз Өкмөтүнүн Баткеноблусундагыыйгарымукуктуу өкүлүнүн биринчи орун басары Кеңеш Салихов, Айыл чарба, тамак-аш өнөржайы жана мелиорация министрлигинин Органикалык айыл чарба департаментинин жана облустун  айыл чарба кызматкерлери, фермерлер жана ЖМКлардын өкүлдөрү катышышты. Иш-чаранын алкагында  Баткен облусунда органикалык айыл чарба тармагын өнүктүрүү мүмкүнчүлүктөрү кенен-чонон талкууланды.

Ушул тапта Кыргызстанда төрт ири айыл чарба кооперативдери органикалык азыктарды экспорттоого жетишүүдө. Ал эми 23 айылды бириктирген  органикалык продукцияны өндүргөн чарба субьекттеринин саны 1700гө жетти. Органикалык продукция өстүрүлүп жаткан аянт 7000 гектардан ашты.

Алишер ТОКСОНБАЕВ, өз кабарчы