682 Бардыгы /

ЖЕНЕВА. Кыргыз Республикасынын Женева шаарындагы Биреккен Улуттар Уюмунун жана башка эл аралык уюмдардын бөлүмдөрүнө караштуу Туруктуу Өкүлү Данияр Мукашев Азия жана Океания боюнча Качкындардын иштери боюнча Башкы комиссарынын Башкармалыгынын (КИБКББнын) Аймактык Бюросунун директору Индрика Ратватте менен жолугушту.

Жолугушуунун жүрүшүндө тараптар Кыргызстан менен КИБКББнын ортосундагы эки тараптуу кызматташуу, уюмдун биздин өлкөдөгү долбоордук ишмердүүлүгү, ошондой эле Кыргызстандын Тышкы иштер министри Чыңгыз Айдарбековдун жарансыздык менен күрөшүү темасына арналган үстүбүздөгү жылдын 7-8-октябрында Женевадагы КИБКББ Аткаруу комитетинин жогорку деңгээлдеги 70-сессиясынын сегментинде пландаштырылган катышуу маселелери дагы талкууланды.

КИБКББнын Аймактык Бюросунун директору Индрика Ратватте Кыргызстан жарансыздыкты жок кылуу маселелеринде дүйнөдөгү өлкөлөрдүн арасынан биринчилерден болгон өлкө экендигин баса белгилеп, бул өңүттө Кыргызстан Өкмөтүнүн аракеттерин абдан жогору баалады. Ошондой эле Кыргыз РеспубликасынынТышкы иштер министринин көрсөтүлгөн иш чарада катышуусу жөнөкөй эмес маселеде өзүнүн тажрыйбасы менен бөлүшүү үчүн Кыргызстанга мүмкүнчүлүк берээрин белгиледи.

Алишер ТОКСОНБАЕВ, өз кабарчы