1,683 Бардыгы /

БУДАПЕШТ. Кыргызстандын Венгриядагы Элчиси Бакыт Жусупов Түрк тилдүү мамлекеттердин Кызматташтык Кеңешинин маалымат жана коммуникациялык технологиялар чөйрөсүнүн Министрлеринин формалдуу эмес жолугушуусуна катышты. Аталган иш чара Будапешт шаарында Венгрия Өкмөтүнүн жана ТМККнын Катчылыгынын демилгеси менен Бүткүл Дүйнөлүк «ITU Telecom World» иш-чарасынын алкагында уюштурулду.

Жыйындын жүрүшүндө Кыргыз Элчиси Бакыт Жусупов Кыргыз Республикасынын Президентинин «2019-жыл – Аймактарды өнүктүрүү жана өлкөнү санариптештирүү жылы» тууралуу Жарлыгынын ишке ашыруудагы пландарында көрсөтүлгөн, ошондой эле Кыргыз Өкмөтүнүн «Ишеним. Биримдик жана Жаратуу» программасында, Кыргыз Республикасынын 2018-2040-жылдардагы Улуттук стратегиясынын туруктуу өнүгүүсүндө көрсөтүлгөн санарип технологиялык өнүгүүсүнүн жетишкендиктери жана өлкөнү санариптештирүү тууралуу Кыргыз Өкмөтү тарабынан иштелип чыккан чаралар жөнүндө кенен-чонон маалымат жасады.

Соңунда тараптар Түрк Кеңешинин алкагында санариптештирүү тармагында кызматташтыктын мүмкүн болгон багыттарын дагы талкуулашты.

Алишер ТОКСОНБАЕВ, өз кабарчы