925 Бардыгы /

НЬЮ-ЙОРК. БУУнун Башкы Ассамблеясынын 74-сессиясынын аянтчасында Кыргыз Республикасынын Тышкы иштер министри Чыңгыз Айдарбеков ЕККУнун Башкы катчысы Томас Гремингер менен жолугушту.

Жолугушуунун жүрүшүндө ЕККУнун Кыргыз Республикасындагы ишмердүүлүгүнүн 20жыл аралыгында коопсуздуктун үч өлчөмүндөгү –аскердик-саясий, экономикалык-экологиялык жана гуманитардык багыттардагы кызматташтыкта жетишилген прогресс канааттануу менен белгиленди. Чыңгыз Айдарбеков Улуттук жана Аймактык коопсуздукту камсыздоодо көмөк көрсөтүү максатында ЕККУ менен активдүү өз ара аракеттенүүнүн мындан ары дагы улантуунун маанилүүлүгүн белгиледи.

Ошентип, тараптар Кыргызстан менен ЕККУнун мындан аркы өз ара аракеттенүү маселелерин кенен-кесири талкуулашты жана кызматташууну бекемдөө ниетин билдиришти. Өлкөнүн өнүгүүсүнүн Улуттук стратегиялык документтеринин алкагында артыкчылыктуу милдеттерди ишке ашырууда ЕККУ Кыргыз Өкмөтүнө туруктуу колдоо көрсөтүүнү дагы улантат.

Алишер ТОКСОНБАЕВ, өз кабарчы