522 Бардыгы /

БИШКЕК. Кыргыз Республикасынын Президенти Сооронбай Жээнбеков Евразия экономикалык комиссиясынын (ЕЭК) Коллегиясынын төрагасы Тигран Саркисян менен жолугушту. Анда Кыргызстандын Евразиялык экономикалык биримдигиндеги мүчөлүгү алкагында кызматташтыктын актуалдуу темалары талкууланды.

Президент Сооронбай Жээнбеков Тигран Саркисянды Бишкектеги «Евразия жумалыгы» Эл аралык форумунун ийгиликтүү өтүшү менен куттуктады. Евразия аймагында ишкердикти өнүктүрүү боюнча коюлган милдеттерди практикалык ишке ашырууга сезилээрлик салым кошооруна ишенимин билдирди. Президент ЕАЭБ алкагында өлкөлөрдүн кызматташтыгын мындан ары өнүктүрүү жана тереңдетүү, өз ара сода жүгүртүүдө тоскоолдуктарды жоюу зарылдыгындагы бир ирет белгиледи. Ал акыркы беш жыл аралыгында ЕАЭБ экономикалык интеграциялык биримдик катары өзүнүн туруктуулугун жана натыйжалуулугун далилдегенин баса белгиледи.

ЕЭК Коллегиясынын төрагасы Тигран Саркисян беш жыл абалы ЕАЭБ алкагында өлкөлөрдүн Улуттук кызыкчылыктары кандайча иштей турганы боюнча белгилүү бир божомолдор бар болгондугун жашырган жок. Ал бүгүнкү күндө айрым пайда болгон маселелерди ыкчам чечүү үчүн система толугу менен калыпка келгендигин белгиледи.

Тараптар ошондой эле Ереван шаарында (Армения) өтө турган Жогорку Евразиялык экономикалык Кеңештин жана «Евразиялык контитенттин потенциалы» эл аралык форумунун жыйындарынын күн тартибин талкуулашты.

Алишер ТОКСОНБАЕВ, өз кабарчы