816 Бардыгы /

Үстүбүздөгү жылдын 25-октябрында К.Ш. Токтомаматов атындагы Эл аралык университетте (ЭАУ) күндүзгү окуудагы студенттердин XXVI спартакиадасы соңуна чыкты. Бул тууралуу ЭАУнун Кесиптик багыт берүү жана коомчулук менен байланыштар кызматы маалымдады.

Маалыматка караганда, Спартакиадада волейбол, баскетбол, футбол, стол тенниси, чатыраш, аркан тартыш сыяктуу спорттун салттуу түрлөрү менен бирге спорттун улуттук түрлөрү болгон тогуз коргоол, таяк тартыш боюнча да мелдештер өткөрүлдү. Бир нече командалар байгелүү орундар үчүн татаал атаандаштыкта жарышып, алардын күйөрмандары болгон студенттер да, профессор-окутуучулар курамы да өздөрүнүн командаларынын жеңиштерине күбө болушту. Натыйжада достук менен ден соолук жеңишти. Байгелүү орундарга жетишкен командаларга кубоктор, тийиштүү даражалары боюнча дипломдор жана акчалай сыйлыктар берилди. Спорттун ар бир түрү боюнча мыкты оюнчуларга да өз алдынча сыйлыктар ыйгарылды. Спартакиаданын соңунда ректорат тарабынан ушундай сонун спорт майрамын жогорку деңгээлде уюштургандыгы үчүн окуу жайдын дене тарбия жана спорт кафедрасына ыраазычылык айтылды.

“Аймак”