842 Бардыгы /

Үстүбүздөгү жылдын 24-октябрь күнү Жалал-Абад областынын аймагында «Ардагерден бир белек» аталышында акция жүргүзүлдү. Бул тууралуу Жалал-Абад ОИИБдин басма сөз кызматы билдирди.

Маалыматка ылайык, бул иш-чара Кыргыз Республикасынын ИИОнун ардагерлеринин күнүнө карата уюштурулган. Жалал-Абад областтык ички иштер органдарынын ардагерлери областыбыздын шаар-райондорундагы төрөт үйлөрүнөн кабар алышты. Ардагерлер жаңы төрөлгөн ымыркайларга өздөрү демилгелеп даярдап барышкан белектерин тапшырышып, ымыркайларга келечектеги мыкты инсан жана ырыскы, дөөлөтү менен болушун тилеп, ак баталарын бериш кайтышты.

Өз учурунда мындай белекти күтпөгөн, аман-эсен көз жарып, бала жытына бөлөнүп кубанычтары койнуна батпаган энелер уул-кыздары келечекте кыргыз мамлекетинин керегине жараган эр-азаматтардан болушун каалашып, ардагерлерге ыраазычылыктарын билдиришти.

“Аймак”