1,488 Бардыгы /

Жапандар эмгек өргүүсү болоору менен, өз өлкөсүнөн дароо сыртка чыгып, кыдырып келет экен дегенди илгерии бир уккандай болдум эле. Буйруса, бул жылы мен дагы биир чыгындым окшойт. Шүгүр деп коелу.

Кое эми, буйруса, эртең жумушка чыгайын да сумкелерде эмне бар эле, эмнени толукташ керек таризинде караганча Прага шаарындагы трамвай, автобуз, поезд билеттерин ыргыта электе сиздерге маалымат иретинде айта кетейин дедим.

Билеттердин баасы саатына жараша болот экен. Бул билеттер унутпасам эң минималдуу убакытка, 1 саатка жакын болуш керек эле. Дагы бир жакшы жери бул билеттер шаар ичинде таксиден башка унаанын баарына жарай берет экен. Унаага чыгар менен атайын аппаратында чаптырып, белги койдуруп аласыз, ошол убакыттан пайдалануу мөөнөтү башаталат. Айдоочулар “Азыр чыккандар жол кирени төлөп койгула, узаткыла, берген жоксуңар, бергиле!!!- деп ызылдабай, өз иши, так, убактысында айдоо менен гана алек.

Мындан тышкары билеттер бир жумага, бир айга проезднойлор болот дешти. Бирок бизге ушул эле билеттер өтө ыңгайлуу болуп жатты.

Эгерде, туристмин, билбей калат, деп баш бербей кое турган болсоңуз, кайдан-жайдан текшерип кала турган эле болсо 800 чех крона акчасын нак гана төлөп кутулат экенсиз. Бул тууралуу биринчи күнү эле Екатерина деген айым маалымат иретинде айтып, биз жактан барган бир жигитке 800 крона акчаны жөн эле төлөмөк турсун, иштарап иретиндеги кагаздарды чех тилинде толтура албай, айласы кетип турганда жардам бергенин да кошумчалай кетти.

Чочубай эле саякаттай бериңиздер,ай, текшерүүчү сизге же сиз текшерүүчүгө жолукпай калсаңыз ажеп эмес) Ак Жол!

Зирек АСАНОВА, Прага шаары