948 Бардыгы /

Душанбе зоопаркында марал менен төө куш өлгөндөн бир ай өткөн соң, мекеменин директору Махмадали Шарипов жумуштан алынганы белгилүү болду. Отставканын себеби расмий түрдө айтыла элек.

2015-жылы Душанбедеги зоопаркта бегемот, кенгуру жана антилопа жан берген. Адистердин пикиринде, капастардын тардыгы жана тоюттун начардыгы жаныбарлардын өлүмүнө себеп болууда. Марал менен төө куштун кайгылуу окуясынан кийин активисттер бийликке кайрылып, бул маселеге көңүл бөлүүнү, жакшы шарт түзүүгө мүмкүн болбосо, зоопаркты жабууну талап кылышкан.

Жаныбарларды коргоочулар кайрымдуулук акциясын өткөрүшүп, бир нече күндө 15 миң сомони (1,5 миң доллар) чогултушкан. Алар бул акчага тоют алышарын билдиришүүдө.

Душанбедеги жападан жалгыз зоопарк өткөн кылымдын 60-жылдарында салынган жана андан бери жаңыланган эмес. Бул жерде миңден ашуун жаныбар жана канаттуу бар. Капастар тар, жайкысын аба жетпейт, кышкысын суук.

Үч жыл мурун зоопарктын кызматкеринин шалаакылыгынан улам террариумда өрт чыгып, эки жылан өлгөн. Душанбе шаардык прокуратурасы кылмыш ишин козгогон.

Былтыр шаар бийлиги зоопарк башка жерге көчүрүлөрүн билдирген, бирок курулуш иштери баштала элек.

www.