829 Бардыгы /

Хатлон облусундагы мектептердин биринде эки мугалим педагогдорго ылайыксыз жүрүм-туруму үчүн дисциплинардык жазага тартылды.

Окбулок кыштагынын №4 орто мектебинин мугалими Дилбар Абдухакимова балдарды чыбык менен чапканы, Ганжина Ахмадова бул учурду телефону аркылуу видеого тартканы үчүн жазаланды. Окуя бир апта мурун болгон.

Социалдык түйүндөрдүн колдонуучулары мугалимдердин мындай тарбия ыкмасын кескин айыпташты.

Мектепте 30 жылдан бери иштеген Дилбар Абдухакимова тентек, чач тарамдарына көңүл бурбаган окуучулар таяк жегенин билдирген.

Балжуван райондук билим берүү бөлүмүнүн жетекчилиги Дилбар Абдухакимова менен Ганжина Ахмадовага эскертүү берди. Бөлүмдүн башчысы Умеда Бекованын айтымында, эгер педагогдор үч ай аралыгында дагы тартип бузса, жумуштан бошотулат.

www.