1,600 Бардыгы /

ТАЛАС. Кечээ, 10-декабрда “Манас Ата” Талас лицейинде, ата-энелер менен биргеликте “Берген кол, алган колдон бийик турат” аталышындагы кайрымдуулук жарманке болуп өттү. Бул тууралуу аталган лицейдин мугалими Абдулла Досматов маалымдады.

Маалыматка ылайык, кайрымдуулук  жарманкенин  максаты түшкөн каражатты 3-декабрь бүткүл дүйнөлүк майыптар күнүнүн алкагында майыптардын  үй-бүлөлөрүнө жардам берүү.

“Буга чейин Талас облусундагы Кум -Арык айылындагы майыптар үйүндө 9-11класстар менен болуп келгенбиз. Алдыдагы максаттарыбыз жаңы жылдык майрамга карата окуучуларды белек алууну эмес, берүүнү уюштуралы деп жатабыз. Окуучунун кош канаты мугалим жана ата-эне дегендей биргеликте жаңы жылдык белектин ордуна аз камсыз болгон үй-бүлөлөргө жардам берүү аркылуу, окуучулардын кайрымдуулук сезимдерин ойготуу болот”, -дейт А. Досматов.