845 Бардыгы /

Украинада Экинчи дүйнөлүк согушта курман болгон эки жоокердин сөөгү табылды. Бул тууралуу издөө отрядынын ыктыярчылары билдиришти.

Алардын айтымында, өлкөнүн Ровненский районундагы токойдо табылган сөөктөр Анжиян облусунда аскерге чакырылып, 1941-жылы согуштун алгачкы күндөрү курман болгон эки өзбекстандыкка таандык. Алардын жанынан аты-жөнү жана кайсыл аскер бөлүгүнөн чакырылгандыгы тууралуу маалыматтар жазылган медальондор табылган.

– Эки жоокер тең Өзбекстандын Анжиян облусундагы аскердик бөлүктөн чакырылган. Бирөөсү Мамадалиев Туйчибай, 1915-жылы Пахтаабад районунда туулган. Катардагы жоокер болгон. Экинчиси Халиков Кувонбой, 1919-жылы туулган. Алар немистердин 1941-жылдын июль айындагы минометтук аткылоосунда снаряддын сыныктары тийип курман болгонун аныктадык. Жоокерлердин жанында күрөк жана суу ичүүчү флягадан башка эч нерсе болгон эмес, — деп билдиришти ыктыярчылар.

Алар жергиликтүү мечитке кайрылып, өзбек жоокерлерди ислам эрежелери боюнча жерге берүүгө жардамдашууну өтүнүшкөн.

Ровненск облустук мечиттин имамы Абдул Карим эгер Өзбекстанда маркумдардын туугандары табылбаса, алар Украинада жерге берилерин билдирди.

Экинчи дүйнөлүк согуш башталганга чейин Өзбекстандын калкы алты миллион адамга жеткен. «Нуроний» фондунун маалыматына караганда, совет армиясынын катарына 1,5 миллионго жакын өзбекстандык чакырылган. Согушта 420 миң өзбек жараны курман болуп, дайынсыз жоголсо, 640 миңи жаракат алган

www.