711 Бардыгы /

Актөбө облусунун Айтекебий районунда Самара-Чымкент багыты боюнча жүргөн автобус бузулуп калган. Салондогу 54 кишинин 50сү Өзбекстандын жарандары болушкан.

Аталган райондун жол-кайгуул кызматы жүргүнчүлөрдү коопсуз жайга жеткирип, ысык тамак менен камсыздап, автобусту оңдоого көмөк көрсөттү. Андан соң жүргүнчүлөр жолун улашкан.

Өзбекстан ТИМи кыш маалында Казакстандын жолдорунда жүрүүдө тобокелчиликтерди эске алып, коопсуздук эрежелерин сактоого үндөдү.

Ушундай эле окуя 20-ноябрда да болгон. Казакстандын Актөбө облусунда 55 өзбекстандык жаран бараткан автобус бузулуп, жолдо калган.

2018-жылы 18-январда Самара-Чымкент жолунда 52 өзбек жараны бузулган автобустун ичинде тирүүлөй өрттөнүп кеткен.

www.