837 Бардыгы /

Кытайда жикчилдик айыбы менен өмүр бою эркинен ажыратылган уйгур активисти Илхам Тохтиевге ыйгарылган Сахаров атындагы сыйлык анын кызына тапшырылды.

Жухер Илхам «Эркин ой жүгүртүү эркиндиги үчүн» сыйлыкты 18-декабрда Страсбургдагы Европа парламентинин атайын иш-чарасы маалында алды.

Европа биримдигинин адам укуктары жаатындагы негизги сыйлыгын Европа парламентинин төрагасы Давид Сассоли тапшырып, 2014-жылдан бери камакта отурган Тохти «уйгурлардын үнүнүн угулушуна салым кошкондугун» белгиледи. Өз кезегинде Жухер Илхам «Кытайда уйгурлар үчүн эркиндик жок экенин» айтты.

Түрдүү маалыматтарга караганда, Кытайдын түндүк-батыш аймагындагы жабык жайларда миллионго жакын уйгур жана башка мусулман азчылык өкүлдөрү кармалып турат.

Бээжин бул жайлар кесиптик билим берүү борборлору экенин билдирүүдө. Бирок активисттер аларды «саясий жактан кайра тарбиялоо лагерлери» деп атап келишет. Буга чейин кытай бийлиги Шинжаңдагы экстремизмдин жайылышынын алдын алуу аракеттери көрүлүп жатканын билдирген.

www.