1,023 Бардыгы /

Бүгүн 19-декабрда  Жалал-Абад шаарындагы 110/35/10 кВ “Таш-Булак” көмөк чордонунун экинчи иреттеги курулушу аяктап, премьер-министр Мухаммедкалый Абылгазиевдин катышуусунда ачылуу аземи өттү.

Аталган көмөк чордону 16 миң кВА оодаргычы менен 1988-жылы ишке киргизилген. Үстүбүздөгү жылы экинчи иреттеги курулушу 40 000 кВА оодаргычы жана заманбап электр жабдуулары менен камсыз  кылынды.

Бул көмөк чордондун ишке кирүүсү менен Жалал-Абад шаарынын калкын, областтык оорукананы жана төрөт үйүн, Көк-Жаңгак, Таш-Булак, Багыш айылдарынын калкын, ишканаларын, мектеп, бала-бакчаларын электр энергиясы менен үзгүлтүксүз камсыздоо маселеси жакшыртылды.

Белгилей кетсек, электр энергиясына болгон муктаждык жылдан-жылга өскөнүн эске алып, “Кыргызстан улуттук электр тармактары” ААК тарабынан аталган көмөк чордонуна экинчи иреттеги кубаттуулугу 40 миң кВА оодаргычы Кытай Эл Республикасынан алынып келинди. Ошондой эле Өзбекстандын “Узэлектроаппарат электрщит” АКда чыгарылган заманбап электр жабдуулары менен камсыз кылынды.

Бүбүсара ОРОЗАЛИЕВА, “Аймак”