1,056 Бардыгы /

Жалал-Абад шаары боюнча Өзгөчө кырдаалдар бөлүмү эскертет:
айдоочулар жолдо жүрүүнүн коопсуздугун сактагыла!

Жалал-Абад шаары боюнча Өзгөчө кырдаалдар бөлүмүнүн Жарандык коргонуу бөлүмчөсүнүн башчысы майор А.Абдуллаев жана бөлүмдүн улук офицери сержант А.Сатыбалдиевдер тарабынан Ош-Бишкек унаа жолу менен сапарга аттанып жаткан жүргүнчүлөрдү ташуучу жеңил жана оор жүк ташуучу автоунаалардын айдоочулары менен жолдо жүрүүнүн коопсуздугу боюнча түшүндүрүү иштери жүргүзүлдү.

Ошондой эле түшүндүрүү иштерин жүргүзүү учурунда айдоочуларга КР ӨКМнин Жалал-Абад облусу боюнча башкармалыгынын 18.12.2019-жылдагы №525-Т телефонограммасы менен келген шашылыш билдирүүсү жеткирилип, алардын ар бирине КР ӨКМ тарабынан даярдалган эскертүү баракчалары таркатылды.