723 Бардыгы /

Казакстан президенти Касым-Жомарт Токаев өлкө өлүм жазасынан толугу менен баш тартып, Жарандык жана саясий укуктар жөнүндөгү Эл аралык пакттын экинчи факультативдик протоколуна кошулууга ниеттенип жатканын билдирди. Бул документ өлүм жазасын жоюуга багытталган.

Токаев Коомдук ишеним кеңешинин жыйынында сөз сүйлөп жатып: “Биздин укук коргоочулар тарабынан жигердүү түрдө көтөрүлүп келген маселелерди чечүүгө убакыт келди”, – деди.

Казакстанда 2003-жылдан бери өлүм жазасын колдонууга мөөнөтсүз мораторий киргизилген. Учурда эң эле оор жаза – өмүр бою эркинен ажыратуу. Ошол эле маалда мораторий аяктагандан бир жыл өткөн соң өлүм жазасы кайрадан 17 берене боюнча колдонулушу ыктымал. Алар: “Согуш жарыялоо үчүн тыюу салынган каражаттарды жана ыкмаларды колдонуу”, “Геноцид”, “Жалданмачылык”, “Согуш мезгилинде мамлекетке чыккынчылык кылуу”, “Биринчи президенттин – Улут лидеринин өмүрүнө кол салуу”, “Президенттин өмүрүнө кол салуу”, “Диверсия”, “Терроризм актысы” жана “Согуш маалында аскердик милдет өтөөдөн качуу же баш тартуу”.

Казакстан көз карандысыздыкка ээ болгон алгачкы жылдары өлүм жазасына тартуу боюнча 536 өкүм чыккан.

www.