Аймак

ОРУСИЯДА ПОЕЗДДИ КЫЙРАТУУГА АЙЫПТАЛГАН ТАЖИКСТАНДЫК 22 ЖЫЛГА СОТТОЛДУ

ОРУСИЯДА ПОЕЗДДИ КЫЙРАТУУГА АЙЫПТАЛГАН ТАЖИКСТАНДЫК 22 ЖЫЛГА СОТТОЛДУ

 618 Бардыгы /

Орусияда Экинчи Батыш аймактык аскер соту 2017-жылы “Сапсан” поездин кыйратууга аракет жасоого айыпталган Эмом Бурхоновду 22 жылга катаал режимдеги түрмөгө кести.

2019-жылы жайында Москва аймактык аскер соту Тажикстандын жети жаранын ушул эле иш боюнча 15 жылдан 21 жылга чейин эркинен ажыраткан. Тергөөнүн версиясы боюнча алар “Ислам мамлекети” террордук тобунун жактоочулары болгон. Бурхонов тергөө менен кызматташуу боюнча келишим түзгөндүктөн, анын иши өзүнчө каралган. Бирок кийинчерээк ал көрсөтмөлөрүнүн бир бөлүнүнөн баш тартып, кысым алдында шектүү жети кишинин бешөөнө жалган жалаа жапканын билдирген.

Мурда терактка айыпталган жети кишинин бешөө күнөөсүз экенин билдирген, бирөө айыптоолорду жарым-жартылай, дагы бирөө толугу менен мойнуна алган. Сотто Бурхонов ФСБ кызматкерлери аны кармоо учурунда жанына жардыруучу зат ыргытып коюшканын айткан.

2017-жылы 13-июлда Москва – Санкт-Петербург багыты боюнча каттаган ылдам жүрүүчү “Сапсан” поезди темир жолго коюлган металл конструкцияны сүзгөн. Поезд рельстен чыккан эмес, бирок беш вагон зыянга учураган.

Тергөөчүлөр кылмышкерлер поездди жолдон чыгарууну гана эмес, жардырууну көздөшкөн деп эсептешет.

www.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17