995 Бардыгы /

            К.Ш. Токтомаматов атындагы Эл аралык университеттин (ЭАУ) студент кыздары жаңы жыл алдында өткөрүлгөн “Жалал-Абад сулуусу-2019” сулуулар сынагына катышып, натыйжада бири баш байгени утуп, бири III орунду ээледи. Бул тууралуу аталган окуу жайдан билдиришти.

Жалал-Абад областынын канчалаган сулууларынын арасындагы татаал атаандаштыгында баш байге ЭАУнун Эл аралык медициналык колледжинин студенти Кайратбек кызы Саулеге ыйгарылып, III орун ЭАУнун Гуманитардык-экономикалык колледжинин студенти Темиркулова Айгеримге (сахналык аты Шахра) берилди. ЭАУнун студент кыздары бул сынакта сулуулугу жана жылдызы, интеллектуалдык деңгээли, чыгармачылык шыктары, мыкты сахналык сапаттары менен айырмалана алышты.

-Студент кыздарыбызды аталган сынактагы жеңиштери менен чын жүрөктөн куттуктайбыз жана окуусунда, чыгармачылыгында, башка жакшы баштоолорунда албан-албан ийгиликтерди каалайбыз! Баса, баш байгени алган студент кызыбыз биздин университетибиздин дене тарбия жана спорт кафедрасында окутуучу болуп эмгектенген Кайратбек Эсенгелдиевич Садыков агайыбыздын кызы!Агайыбызды да кызынын жеңиши менен кутуктайбыз! – дейт аталган окуу жайдын жамааты.

«Аймак»