884 Бардыгы /

ДЕЛИ. Кыргызстандын Индиядагы Элчиси Асейин Исаев Индиянын Соода жана өнөр жай Министри Пиюш Гоял менен жолугушту. Анын  жүрүшүндө тараптар соода-экономикалык кызматташуу жаатындагы жылдын алдын-ала жыйынтыгы, ошондой эле кийинки жылга карата пландар туурасында кеңири сөз кылышты.

Бул жыл эки тараптуу иш-чараларга өтө бай болгондугу баса белгиленип, бир катар багыттар боюнча Кыргыз министри өз пикирин ачыктады. Тактап айтканда, ал Кыргыз Республикасынан импортко чыгарууга мүмкүн болгон бир катар товарларды баса белгиледи. Ошондой эле дары-дармектердин баасын төмөндөтүү үчүнКыргызРеспубликасына Индиядан алынып келинүүчү дары-дармек препараттарын жеткирүүнү жеңилдетүү зарылчылыгын дагы баса белгиледи. Бул жагынан алганда ал Кыргызстанда заманбап фармацевтикалык заводду куруу сунушун дагы өтө жогору баалады. Авиаташуучулар үчүн «Аба эркиндигинин бешинчи даражасын» ишке ашыруу Кыргызстанга туристтик агымдын көбөйүүсүнө өбөлгө жаратаарын өзгөчө белгиледи.

Соңунда тараптар соода-экономикалык, илимий-техникалык жана маданий-гуманитардык кызматташуу боюнча Кыргыз-Индия Өкмөттөр  аралык комиссиянын кезектеги отурумун кийинки жылдын биринчи чейрегинде Бишкек шаарында өткөрүүнү макулдашышты.

Алишер ТОКСОНБАЕВ, «Аймак»