594 Бардыгы /

Тажикстандын Ички иштер министрлиги (ИИМ) Душанбе шаарындагы милиция бөлүмүндө үч бир тууган кыйноого алгандыгы тууралуу маалыматты четке какты.

Буга чейин Нурек шаарынын тургуну Бибижон Назарова декабрдын аягында Душанбедеги Фирдавси райондук ички иштер башкармалыгынын кызматкерлери үч уулун кармап, сурак маалында кыйноого алышканын билдирген.

ИИМдин маалыматына караганда, 30-декабрда атайын операциянын жүрүшүндө Набиев Парвиз аттуу адам кармалып, жанынан 1,2 килограмм апийим табылган. Мекеменин билдирүүсүндө ал буга чейин «Адамдын денесине зыян келтирүү» жана «Маңзат сатуу» беренелери боюнча үч жолу соттолгону жазылган.

Учурда Парвиз Набиев тергөө абагында камакта. Аны менен кошо кармалган инилери эки күндөн кийин бошотулган. Алардын айтымында, милиция кызматкерлери күнөөнү моюндарына алдыртуу үчүн аларды бир нече саат кыйноого алышкан.

Бир туугандар бул окуя боюнча милиция кызматкерлерине каршы райондук прокуратурага арыз менен кайрылышты. Өлкөнүн Кыйноого каршы коалициясы аларды сотто коргоого жана адвокат берүүгө даяр экенин билдирди.

www.