1,375 Бардыгы /

Тажикстанда жыл башынан бери лимон эки эсеге арзандады. Адистер муну түшүмдүн мол болушу жана цитрус жемиштеринин экспортунун азайышы менен байланыштырышууда.

Душанбе шаарында лимондун бир килосун 5 сомониге сатып алса болот. Бир жыл мурун анын баасы 10-12 сомони (1 доллардын тегереги) болгон. Соодагерлер лимондун килограммын дыйкандардан 3-4 сомониден сатып алышууда.

Быйыл көптөгөн фермерлер чыгаша тартып, лимондун ордуна жашылча-жемиштердин башка түрүн өстүрүүнү пландап жатышат.

Хатлон облустук айыл чарба башкармалыгынын башчысы Амирбеки Темур цитрус өсүмдүктөрүн сатуу үчүн жаңы базарларды табуу зарыл деп эсептейт. «Биз азыр бул маселени талкуулап жатабыз. Өткөн жылы лимон өстүргөн күнөсканалардын саны көбөйгөн. Бул дагы түшүмдүн көбөйүшүнө өз таасирин тийгизген», – деди ал.

Былтыр Хатлон облусунун Жайхун районунун дыйкандары Орусия менен Казакстанга 500 тоннадан ашуун лимон жөнөтүшкөн.

www.