925 Бардыгы /

Өзбекстанда цемент өндүргөн ири ишканалардын бири эсептелген «Ахангаранцемент» заводу убактылуу ишин токтотту. Бул тууралуу ишкананын жумушчулары билдиришти.

Алардын айтымында, акыркы эки жумадан бери түнкү нөөмөттөгүлөр гана иштеп жаткан ишкана 9-январдан тарта ишин толугу менен токтотту. Жумушчулардын айрымдары өргүүгө кетсе, башкалары заводду оңдоо, айланасын тазалоо иштерине тартылышкан.

— Негизинен заводдун иши 26-декабрда эле токтогон. Эки күн таптакыр жумушсуз отурдук. Андан соң эки меш үчүн газ берилди. Аларда түнкү нөөмөттөгүлөр гана иштеп жаткан. 9-январда эртең менен алар да иштебей калды, — деди жумушчулардын бири.

Ишкананын жетекчилиги завод газ тартыштыгынан улам ишин уланта албай турганын билдирди.

— Газ жетиштүү учурларда завод жумасына жети күн, күнү-түнү иштейт. Азыр газ тартыштыгынан улам аз көлөмдө берилип жатат. Ал жылуулук берүү үчүн гана жетүүдө. Ошондуктан завод ишин токтотууга аргасыз болду, — деди ишкананын өкүлү.

Совет мезгилинде курулган «Ахангаранцементтин» 86 пайызы 2006-жылы орусиялык Eurochem Group компаниясына сатылган. Завод чоңдугу боюнча Өзбекстанда экинчи орунда турат. Ал жылына 2 180 000 тонна цемент өндүрүүгө кудуреттүү.

www.