713 Бардыгы /

Тажикстанда тыюу салынган «Мусулман агайыңдар» кыймылынын мүчөсү деген шек менен кармалгандардын саны кеминде 70ке жетти. Өлкө бийлиги азырынча бул боюнча эч кандай комментарий бере элек.

«Азаттыктын» тажик кызматы укук коргоо органдарындагы өз булактарына таянып кабарлагандай, акыркы эки жуманын ичинде бул кыймылга мүчө деген шек менен кармалган адамдар көбөйүүдө.

Маалыматка караганда, 20-январга карата кеминде 70 адамга кылмыш иши козголду. Алардын баары «экстремисттик уюмдун ишмердүүлүгүн уюштуруу» жана «тыюу салынган уюмга мүчө болуу» беренелери боюнча айтыпталууда. Кармалгандардын арасында Тажикстандын чет тилдер институтунун кызматкерлери, Тажик мамлекеттик медициналык университетинин кафедра жетекчиси, Исфара шаардык мүлк башкармалыгынын башчысы жана белгилүү ишкер бар экени айтылууда.

Тажикстанда «Мусулман агайыңдар» кыймылынын ишмердүүлүгүнө 2006-жылы Жогорку соттун чечими менен тыюу салынган. 2016-жылы бул уюмга тиешеси бар жана өспүрүмдөрдү Сириядагы согушка азгырган деген шек менен өлкөнүн түндүгүндө беш имам кармалып, ар бири беш жылдан эрктеринен ажыратылган.

www.