872 Бардыгы /

Матраимовдордун үй-бүлөсү «24.kg» сайтына койгон доосунан баш тартууда. Бул тууралуу 27-январда «Азаттыкка» алардын адвокаты Канатбек Азиз билдирди.

Жактоочунун айтымында, буга агенттиктин сайтына жарыяланган маалымат негиз болду.

Бишкектин Свердлов райондук сотуна жолдонгон арызда доогер тарап 15 миллион сомдук айыппул салуу талабынан баш тартып жатканы айтылат.

2019-жылдын 21-ноябрда жана 4-декабрда «Азаттык» радиосу, «Уюшкан кылмыштуулукту жана коррупцияны иликтөө долбоору» (OCCRP) жана анын Кыргызстандагы өнөктөшү «Kloop» маалымат агенттиги чогуу жүргүзгөн «Бажыдагы миллиондор: карактоо жана калкалоо» жана «Көмүскө акча ташыгандар кербени» деген иликтөөлөр жарыяланган.

«24.kg» агенттиги аны өз сайтына жайгаштырган.

27-январда агенттик сайтына «Бизде Матраимовдордун аткезчиликке тиешеси тууралуу далилдер жок» деген кабар чыгарды.

Доодон баш тартуу жөнүндөгү арызды сот 29-январда карамай болду.

Иликтөөлөргө байлынштуу Мамлекеттик бажы кызматынын башчысынын мурдагы орун басары Райымбек Матраимов жана анын агасы, депутат Искендер Матраимов, алардын жубайлары жана үй-бүлөлүк «Ысмайыл Матраимов атындагы фонд» үч медианы сотко берген. Алар «Матраимовдордун кадыр-баркына доо кетирген» деп «Азаттык» радиосунан, кабарчы Али Токтакуновдон, «Kloop» жана ««24.kg»» сайттарынан жалпысынан 60 млн. сом өндүрүп берүүнү өтүнүшкөн.

19-декабрда Бишкектин Свердлов райондук сотунда баштапкы соттук жыйын өткөн.

www.