1,420 Бардыгы /

Жалал-Абад шаарында Улуу Ата Мекендик согуштун катышуучусу Николай Тецкий каза тапты. 2-февраль күнү 94 жашында көз жумган ардагерди бүгүн акыркы сапарга узатуу зыйнаты өттү.

Ага калаанын вице-мэри Руслан Алтымышев, шаардык кеңештин төрагасы Айбек Джолдошев, Россия Федерациясынын Оштогу консулдугунун өкүлү, социалдык өнүгүү башкармалыгынын кызматкерлери, аксакалдар жана жакындары катышты.

Тецкий Николай Харитонович 1926-жылы Жалал-Абад облусунун Сузак районунда туулган. 1944-жылы Советтик Армияга чакырылып, Белоруссиянын 3-фронтунда кызмат кылган. Андан кийин Түндүк Батыштагы 39-армияга жөнөтүлгөн. Согуштан кийин Кыргызстанга кайтып келип, Жалал-Абад шаарында жашап калган.

Ал Улуу Ата Мекендик согуштун “Жуков” ордени жана юбилейлик медалдары менен сыйланган. Ардагерге республикалык жана жергиликтүү бюджеттен материалдык жардамдар көрсөтүлүп келген.

Эске салсак, өткөн жумада Жалал-Абад шаарында ооруктун ардагери каза тапкан. Учурда калаада согуштун жана ооруктун экиден ардагерлери калды.