771 Бардыгы /

Израиль АКШнын президенти Дональд Трамп сунуштаган план боюнча жаңы картасын түзө баштады. Бул тууралуу өлкөнүн премьер-министри Биньямин Нетаньяху билдирди.

Анын айтымында, жаңы картага Иордан дарыясынын жээги жана жаңы еврей конуштары түшүрүлөт.

— Атайын түзүлгөн израиль-америка комитети карта түзүү процессине киришти. Бул көп убакытты талап кылбайт, — деди Нетаньяху.

Жакынкы Чыгыштагы кырдаал быйыл январь айында АКШ президенти Дональд Трамп Израил менен Палестин автономиясынын ортосундагы жаңжалды жөнгө салуу боюнча планын жарыялагандан кийин курчуп кеткен. Анда көз карандысыз Палестина мамлекетин Иордан дарыясынын батыш жээгинде жана Газа секторунда түзүү каралган. Ал эми Иерусалим болсо Израилдин бөлүнгүс борбору катары көрсөтүлгөн.

Дональд Трамп бул планды «кылымдын долбоору» деп атаган. Израилдин бийлиги аны жактаганы менен менен палестиналыктар мындай шарттарды эч качан кабыл албасын билдирген.

Ал ортодо африкалык лидерлер АКШ президентинин сунушун сынга алышты. Жекшемби күнү континенттеги 40тан ашык өлкөнүн мамлекет жана өкмөт башчылары Эфиопиянын борбору Аддис-Абебага саммитке чогулушкан.

Африка биримдигинин комиссия башчысы Муса Факи Махамат БУУнун көптөгөн резолюциясына каршы келген бул план эл аралык консультацияларсыз түзүлгөнүн жана анда палестин элинин укуктары эске алынбаганын билдирди. Африка биримдигинин жаңы төрагасы, Түштүк Африка республикасынын президенти Кирилл Рамафоса Трамптын тынчтык планын ишке ашыруу механизмин апартеид мезгилиндеги абалга салыштырды.

www.