1,281 Бардыгы /

Буга чейин 13-февралда тажик генерал-майору А.Навжувоновдун Баткен эч качан кыргыздардын жери болбогонун, тажиктерге гана тиешелүү экендигин билдирген маалымат тараган. Ага алгачкылардын болуп, Камчыбек Ташиев реакция берип, 14-февралда фейсбук баракчасында кайрылуу жолдоду.

Камчыбек Ташиев:  – “Айта берип тил тешилди” – демекчи бийлик ээлерине көптөн көп кайрылып, чек ара маселесин чечүүдө чечкиндүүлүккө, айкындуулукка жана жергиликтүү элдин талабын эске алып сүйлөшүүлөрдү жүргүзүү керек экендигин суранып келдик. Мына эми Тажикстандын атайын бийлик өкүлү биздин мамлекеттүүлүгүбүзгө шек келтирген сөздөрдү официалдуу жыйында билдирүү жасап олтурат. Бул жорукту шылдың катары кабыл алышыбыз керек жана тиешелүү катуу жоопту беришибиз керек.
Жерге-Тал, Мургаб Кыргызстандын айылдарын, жер аянттарын кайтарып алуу боюнча иш аракеттерди башташыбыз керек, Тажикстандын элчисин кайтарып жөнөтүп, бардык байланыштарды (саясий,экономикалык, достук) токтотуу зарыл.

Урматтуу Президент, менин сунуштарымды эске алып чечкиндүү кадамдарды таштаңыз, кашык каныбыз калганча мамлекетибиз үчүн туруп беребиз! Элибиз мындан да опурталдуу кыйынчылыктарга чыдаган, бирок мамлекетибиздин бүтүндүгүнө сырттан шек келтирүүгө жол бербей келген, Кыргызстаныбызды шылдындаганы үчүн жооп берсин!

Ал эми Кыргыз Республикасынын Тышкы иштер министрлиги Кыргызстандагы тажик элчисин чакырып, А.Навжувоновдун билдирүүсү боюнча тынчсыздануусун билдиргени кабарланды. Тажик бийлигинен азырынча жооп боло элек.

“Аймак”