2,077 Бардыгы /

Бүгүн 15-февраль Советтик аскерлердин Ооган Республикасынан чыгарылгандыгынын 31 жылдыгы белгиленип, согушта курман болгондор эскерилди.

Ага калаадагы ооган апаатынын ардагерлери, жергиликтүү бийлик өкүлдөрү, шаардык ички иштер башкармалыгынын аскер бөлүгүнүн жоокерлери, мекеме-ишканалардын жетекчилери жана тургундар катышты.

Апаатта курман болгондорго арнап тургузулган эстеликке гүлчамбар коюлуп, каза болгондорго багышталып куран окулду.

Эске салсак, Ооганстандагы согушка Жалал-Абад шаарынан 105 жоокер аттанып, алардын экөө согуш талаасында курман болгон. Учурда калаада 84 ардагер бар. Аларга республикалык бюджеттен ай сайын 6000 сомдон берилет.

“Аймак”