769 Бардыгы /

Жекшемби, 16-февралда Казакстанда Интернет ылдамдыгы начарлап, бир катар сайттар, анын ичинде “Азаттык”, социалдык түйүндөр, Youtube платормасы, Google кызматы дурус иштебей калды.

Telegram мессенжери бир нече күндөн бери ачылбай жаткан, ошол эле маалда ал VPN (виртуалдуу жеке түйүн) аркылуу кадимкидей эле иштөөдө.

Казакстан президентинин маалымат катчысы Берик Уали “Фейсбуктагы” барагына Касым-Жомарт Токаев бардык маалымат ресурстарынын ишин калыбына келтирүүнү тапшырганын айтты. Казак президенти учурда Германияда иш сапарда жүрөт.

Казакстанда былтыр 9-май жана 9-июндагы нааразылык акцияларынын учурунда Интернет бөгөттөлгөн болчу.

Бул өлкөдө күч органдары социалдык жана техногендик мүнөздөгү өзгөчө кырдаалдар жаралган учурда Интернет жана байланыш каражаттарына тыюу салуу укугуна ээ.

www.