Анын айтымында, январда эстакаданы куруп жаткан кытай жарандары жаңы жыл майрамын белгилөө үчүн мекенине кетип, коронавируска байланыштуу кайра келе албай калышкан.

«Мындан тышкары айрым курулуш материалдары да Кытайдан келмек, бирок чек аранын жабылганына байланыштуу жергиликтүү өндүрүштөгү материалдарды колдонууга туура келди», — деди Музаффаров.

Душанбенин Кара-Боло районунда курулуп жаткан үч кабаттуу эстакада пайдаланууга дээрлик даяр. Ушу тапта жумушчулар жол белгилерин орнотуу жана жашылдандыруу иштери менен алектенип жатышат. Буга чейин бийлик эстакаданын ачылышын Нооруз майрамына карата 20-мартта өткөрүү пландалып жатканын билдирген.

Долбоорду ишке ашыруу үчүн Европа өнүктүрүү жана реконструкциялоо банкы Тажикстанга насыя берип, 40 миллион долларга жакын техникалык көмөк көрсөткөн.

WWW.