1,273 Бардыгы /

Орусиянын Подмосковье аймагынын Раменский районундагы жер тамдардын биринен өрт чыгып, алты адам мерт болду. Расмий маалыматтарга караганда, үч эркек жана үч аял тең Өзбекстан жарандары болгон.

Орусия Өзгөчө кырдаалдар министрлигинин Москва облустук башкармалыгы өрт 5-майда саат таңкы төрттө чыгып, кечки саат алтыда өчүрүлгөнүн маалымдады.

Орусия Тергөө комитети Кылмыш кодексинин “Эки жана андан көп кишини атайлап өлтүрүү” беренеси менен кылмыш ишин козгоду.

Баштапкы маалыматтарга караганда, бул үйдө 26 киши жашаган, баары тең башка өлкөлөрдөн келген эмгек мигранттары болгон. Өрттүн себептери тактала элек.

Соттук-медициналык жана өрт-техникалык экспертизалар дайындалды. Өлгөндөрдүн тек жайын аныктоо иштери жүрүүдө.

WWW.