1,297 Бардыгы /

Өзбекстандын премьер-министри Абдулла Арипов менен Казакстандын премьер-министри Аскар Мамин Түркстан облусундагы Мактаарал районунун Мырзакент айылында жолугушту.

Эки өлкөнүн өкмөт башчылары райондогу суу каптаган аймактарды кыдырып, кырсыктын кесепетин жоюу иштери менен тааанышты.

Авариялык-куткаруу иштерине 1300дөн ашуун киши жана 220 техника тартылган.

Премьер-министрлер Мактаарал районунун административдик борбору Мырзакент айылында курула турган жаңы кичи райондун планы менен таанышып, курула турган үйлөрдүн пайдубалын түптөө аземине катышты.

Мырзакент айылында дамбанынын жырылышынан жапа чеккен Женис, Жанатурмыс жана Достык калктуу конуштарынын 500дөй үй-бүлөсү үчүн жаңы турак жайлар, мектеп, бала бакча жана фельдшердик пункт салынат.

Казакстан президенти 9-майда “Твиттерге” Мактаарал районунда жабырлануучулар жаңы же ремонттолгон үй-жай менен камсыз болорун, алардын ар бирине 100 миң теңгеден берилерин айткан.

Сардоба суу сактагычы 1-майда жырылып, жакын жердеги айыл-кыштактарды суу каптай баштаган. Суунун агымы ошол күнү кечке жуук токтогон. Сардоба, Акалтын, Мирзабад райондорунан 70 миңдей адам коопсуз жактарга шашылыш көчүрүлгөн.

Дамба жырылгандан кийин пайда болгон суу ташкыны коңшу Казакстандагы Түркстан облусунунун төрт кыштагын да каптаган. 2-майда Мактаарал районунда өзгөчө кырдаал жарыяланып, атайын штаб түзүлгөн жана 5,5 миң адам эвакуацияланган.

WWW.