930 Бардыгы /

БИШКЕК. Коронавирус менен күрөшүүгө жардам берүү максатында Орусиядан Кыргызстанга аскер медициналык кызматкерлер учуп келишти. Медициналык кызматкерлерди Орусиянын Коргоо министрлигинин атайын учагы «Кант» авиабазасына жеткирди. Атайын учак менен керектүү жабдыктар жана дары-дармектер дагы апкелинди.

20 кишиден куралган медициналык топ кыргызстандык аскер дарыгерлер менен бирге аскер кызматкерлерине, алардын үй-бүлө мүчөлөрүнө жана аскер ардагерлерине кеңеш жана практикалык түрдө жардам дагы көрсөтөт.

Орусиялык адистер өлкөнүн эки шаарынын госпиталдарында иштешет: төрт топ Бишкекте, эки топ Ош шаарында эмгектенишет.

Алишер Токсонбаев, өз кабарчы