1,377 Бардыгы /

ЖАЛАЛ-АБАД. Кечээ, 6-октябрь күнү Чаткал районунун борбору Каныш-Кыя айыл аймагында 500гө чукул адам чогулуп, район акимин кызматтан алышты. Бул тууралуу аймактык кабарчы Мухамедалы Эшназаров  билдирди.

Маалым болгондой, атайын координациялык кеңеш түзүлүп, алар район аймагындагы ишмердүүлүгүн жүргүзүп жаткан компаниялардын имараттарын тонобоого, мародерлукка алдырбоо боюнча чакырык таштап жатышат.

«Учурда район акими кызматына эч ким көрсөтүлгөн жок. Өлкөдө абал турукташканча түзүлгөн координациялык кеңеш элдин атынан бийликти көзөмөлдөп турат. Жаңы аким дайындалып келгенде кызматты тапшырышат. Кеңешменин төрагасы болуп Жоодарбек Атантаев дайындалган. Андан сырткары ошол эле кеңешмеге 8 адам мүчө болду. Азыркы тапта район борборунда абал тынч, чогулган эл тарап кетти», – дейт ал.