1,089 Бардыгы /

Акырындап суук түшүп, кыш жакындап, от жагуу мезгили да башталып калды.

Жайкы өрт кооптуу мезгил аяктап, кооптуу кышкы өрт кооптуу мезгил келе жатат.

Себеби, өрт коопсуздук эрежелерин сактабагандыктан улам чыккан тилсиз жоо атуулдардын жаз-жайлап, бешене тер менен кышка деп камдаган мүлкүн, тоютун аз убакыттын ичинде эле күлгө айлантып, сыздатууда.

Ошондуктан от жагуунун алдында ага даярданып, өрт коопсуздук эрежелерине ылайык от жагуучу мештерин, алардын морлорун тазалап, жылуулук системаларын оңдоо зарыл. Мындан тышкары, өрт коопсуздук эрежелерин бузуу менен чатырларда тоют сактоо да өрттүн тез өөрчүшүнө, зыяндын көбөйүүсүнө  өбөлгө түзөт.

2019-жылдын 10 айында район аймагында 88 өрт кырсыгы катталып, андан келтирилген материалдык зыян 11 млн 529 мин 247 сомду түзгөн. Өрт өчүрүүчү-куткаруучулардын ыкчам аракеттеринен улам 13 млн. 951 миң 580 сомдон ашуун материалдык баалуулуктар сакталып калынган.

Ал эми 2020-жылдын 10 айында район аймагында Өрт коопсуздук эрежелеринин сакталбагандыгынан улам 82 өрт кырсыгы катталып, андан келтирилген материалдык зыян 5 млн 397 мин 849 сомду түзгөн. Өрт өчүрүүчү-куткаруучулардын ыкчам аракеттеринен улам 8 млн. 241 миң 540 сомдон ашуун материалдык баалуулуктар сакталып калынган.

Талдоолорго ылайык жогорудагы көпчүлүк өрт кырсыктары отко шалаакы жана камырабастык менен мамиле кылуудан, өчүрүлбөй калган тамеки калдыгынан, электр тогуна уланган бойдон унутта калтырылган электр шаймандарынан,  кароосуз калтырылган балдардын от менен ойноосунан, бузук абалдагы мештерден жана моорлордон келип чыгууда. Ал эми, көпчүлүк учурда, атуулдар уктап жаткан мезгилде эле, өрттөн чыккан түтүндөн, газдан ууланып каза болушууда.

Ошондуктан Сузак райондук өзгөчө кырдаалдар бөлүмүнүн өздүк курамы кышкы өрт кооптуу мезгилге карата турак жайларда кышкы өрт кооптуу мезгилге карата профилактикалык иш-чараларды жүргүзүүнү күчөттү жана азыркы учурда 3836 атуулдан ашуун турак-жай ээлерине күнүмдүк турмуштагы өрт коопсуздук чаралары боюнча түшүндүрүү иштери жүргүзүлдү.

Урматтуу Сузак районунун тургундары жана меймандары!  Кышкы от жагуу мезгилинде турак үйлөрүңүздө өрт чыкпасын десеңиз, жогорудагы өрттүн келип чыгуу себептерине көңүл буруп, өз үйүңүздө аларды четтеттүүнү  Сузак райондук өзгөчө кырдаалдар бөлүмү эскертет. 

Өрт же өзгөчө кырдаалга күбө болсоңуз токтоосуз 112,101 номерлерине  кабарлаңыз.

Сузак райондук өзгөчө кырдаалдар бөлүмүнүн өрт өчүрүү жана алдын алуу бөлүмчөсүнүн улук офицери

капитан                                                               А. Иманов