960 Бардыгы /

Жалал-Абад шаарындагы мектептер 23-ноябрдан тарта ачылат. Шаардык штаб 1-5-9-11-класстарга гана мектепке барып билим алууга уруксат берди. Калган класстардын окуучулары онлайн тартипте окуусун улантат. Бул чечим муниципалдык жана жеке менчик мектептерге да тиешелүү. Ал эми №12, 18, 22 мектептер толук кандуу иштеп, 1-класстан 11-класска чейин окуучуларды кабыл алат. Анткени бул үч мектепте балдардын саны аз. Ал эми калган билим уяларында окуучулардын саны көп болгондуктан айрым класстарга чектөө алынган жок.

Жалал-Абад шаарындагы унаа базарына коюлган чектөө алынды. Унаа базары мурункудай тартипте ишин уланта берет.

Мечиттерде жума намазын окуганга уруксат берилди. Эртең, 20-ноябрдан тартып мечиттерде жума намазы окулат. Бирок санитардык эрежелер тыкыр көзөмөлдөнөт. Эгер талапка жооп бербеген мечиттер болсо аларга кайрадан чектөө киргизилет.

Коомдук мончолордун иштөөсүнө уруксат берилди. Буга чейин жеке мончолор гана иштеп, коомдук мончолорго тыюу салынган эле. Чектөө алынды.

Коомдук тамактануучу жайлардын 20:00дөн кийин иштөөсүнө тыюу салган чектөө алынды. Бирок адамдын саны 50дөн ашпай, санитардык эрежелер так сакталышы зарыл. Ал эми чайканалардын ишмердүүлүгүнө уруксат берилди.

Бильярд залдарынын иштөөсүнө да уруксат берилди.

Ал эми бала бакчаларга, интернет клубдарына киргизилген чектөөлөр өзгөртүлгөн жок. Ошондой эле базарлар график менен жумасына бир ирет жабылып, санитардык күн өтөт.

“АЙМАК”