795 Бардыгы /

Казакстанда соттолуучу Жанияр Жармахановдун оозу менен көзү тигилген видеосу интернетте тарагандан кийин жабык мекемеде кызматтык териштирүү башталды.

Ал Жезказгандагы АК-159/25 түрмөсүндө отурганын айткан. Жармаканов бул видеону “өлүм алдындагы сөзүм” деп, түрмөнү “жезказгандык Гуантанамо” деп атаган.

Жаза аткаруу системасынын департаменти билдиргендей, Жармаханов жана аны менен кошо видеокайрылуу жасаган башка соттолуучулар өзгөчө оор кылмыштары үчүн түрмөдө отурушат.

Ушул тапта жабык жайга департаменттин жетекчилиги, прокуратура өкүлдөрү баштаган ыкчам тергөө тобу келип, соттолуучулар суралып, мобилдик телефондору алынды.

Жаза аткаруу системасынын департаменти эгер кызматкерлердин соттолуучуларга кордук көрсөткөнү аныкталса, алар жумуштан гана алынбастан, кылмыш жоокерчилигине да тартылышы мүмкүн экенин билдирди.

АК-159/25 колониясында отурган соттолуучулар Казакстан президентин жана башка аткаминерлерди түрмөдөгү оор кырдаалга көңүл бурууну сурашкан. Буга чейин укук коргоочулар аталган абакта шарт өтө начар экени, соттолгондор ур-токмокко алынары тууралуу даттануулар түшүп келгенин билдиришти.

Европарламенттин 2019-жылдын март айында кабыл алган резолюциясында Казакстанда соттолгондорду жана шектүүлөрдү кыйноо норма болуп калганы белгиленген.

WWW