1,401 Бардыгы /

  25-декабрда Чаткал районунда 2 киши аракка ууланып каза болду. Бул тууралуу бүгүн, 28-декабрда жергиликтүү тургундар кабарлашты.

Бул маалыматты райондун Айгыр-Жал айылынын башчысы Кайнар Рысбай уулу да тастыктап, окуя 25-декабрда болгонун айтты. Маркумдар акыркы сапарга узатылган. Алардын жакындары соттук-медициналык экспертизадан баш тартышкан.

«Каза болгон 2 жараныбыз тең 44 жашта болчу. Алар окуя болгон күнү чогуу отуруп спирт ичимдигин ичишкен. Андан соң 4-5 саат аралыгында каза болгон. Маркумдардын жакындары алар аракка ууланып калганын айтууда. Бирок кандай арак ичкени белгисиз. Алардын жакындары сөөктү соттук-медициналык экспертизага берүүдөн баш тартышты, милицияга да кайрылышкан жок», – деди айыл башчы.

Ушул окуядан кийин айыл тургундары арак саткан дүкөндөрдөн арак сатууга тыюу салууну талап кылып акцияга чыгып жатышат.

WWW