1,296 Бардыгы /

АКСЫ РАЙОНУ. Кыргыз Республикасынын Баатыры, Кыргыз Эл жазуучусу Төлөгөн Касымбековдун 90 жылдыгына арналган илимий-практикалык конференция Кербен шаарындагы Темиркул Уметалиев жана Жоомарт Бөкөнбаев атындагы мектептердин мугалимдеринин демилгеси менен болуп өттү. Конференциянын ишине эки мектептин кыргыз адабият жана кыргыз тили мугалимдери, 11-класстын окуучулары жана райондук администрациянын өкүлдөрү катышты. Конференцияда Төлөгөн Касымбековдун өмүрү жана чыгармачылыгы, “Адам болгум келет” повести учурдун чыгамасы”, “Сынган кылыч чыгармасынын тарыхый мааниси”, “Келкел” романындагы Курманжан датканын образы” сыяктуу баяндамалар, илимий изилдөөлөр болуп, бул баяндамалар окуучулардын да бүйүрүн кызытты. Андан сырткары мектепте Касымбековдун жумалыгы жарыяланып, анын чыгармалары боюнча дил баяндар, ырлар, жазылууда жана чыгармалардын мааниси боюнча сүрөттөргө сынактар жүрүп жатат. Жеңүүчүлөр жазуучунун китептери менен сыйланмакчы. Мына ушундай эле сынак мугалимдер үчүн да жарыялангандыгын билдирет Уметалиев атындагы орто мектептин директору Узен Атаханов. Аксыдан чыккан залкар жазуучу Төлөгөн Касымбековдун 90 жылдыгына карата райондо иш чаралар өтүп жатат. Андан сырткары күз айларында райондук деңгээлде жазуучунун юбилейи белгиленмекчи. Ал эми мектеп терде, мекеме ишканаларда жазуучунун чыгармачылык өмүр жолуна арналган бир айлык жарыялангандыгын мындагылар билдиришти. Залкар жазуучунун чыгармалары элде кеңири окулуп жаткан учур. Демек жазуучунун экинчи өмүрү жашап жатат деп айтууга негиз бар. Анткени жазуучунун чыгармалары дүйнө элдеринин тилдерине да тынымсыз которулуп келет. Дүйнө эли жазуучунун юбилейин да белгилеп жатышат.

Абыдмомун КАЛБАЕВ