978 Бардыгы /

БАТКЕН. Ден соолугуна байланыштуу өтө муктаж болгон он жаранга “Абийир” коомдук кайрымдуулук фонду  тарабынан майыптык арабалар тапшырылды.  Кыргыз Өкмөтүнүн Баткен облусундагы ыйгарым укуктуу өкүлү Жаныбек Жалаловдун аталган фонддун жетекчилиги менен сүйлөшүүлөрүнүн натыйжасында он адамдын муктаждыгы жеңилдеди.

Кыргыз Өкмөтүнүн Баткен облусундагы ыйгарым укуктуу өкүлү Жаныбек Жалаловд аталган фонддун жетекчилигине колдоосу үчүн терең ыраазычылыгын билдирүү менен, мындан тышкары дагы облустун бир катар социалдык муктаждыктарын жеңилдетүүгө кошкон салымдары үчүн ыракматын ачыктады.

Белгилей кетчү жагдай: Баткен облусунда жалпы жонунан  20 миң 894  ден соолугунан мүмкүнчүлүгү чектелген жарандар бар. Булардын арасынан жыл сайын муктаждарга мамлекет тарабынан акысыз майыптык арабалар тартууланып келатат.

Алишер ТОКСОНБАЕВ “АЙМАК”