1,566 Бардыгы /

ОШ. Чоң-Алай районунда Кызыл-Кыя шаарынан атайын келип, мал уурулук менен туруктуу алектенгенуюшкан кылмыштуу топ кармалды. Бул тууралуу Ош облустук милициясынан кабарлашты.

Маалыматка таянсак, үстүбүздөгү жылдын 6-февраль күнү Чоң-Алай районунун 36 жаштагы тургуну райондук ички иштер бөлүмүнө арыз менен кайрылган. Ал арызында 5-февралдан 6-февралга караган түнү малдарын белгисиз адамдар уурдап кеткендигин билдирип, аларга карата мыйзам чегинде чара көрүп берүүнү катуу суранган.

Ош облустук ички иштер башкармалыгынын жана Чоң-Алай райондук ички иштер бөлүмүнүн криминалдык милиция  кызматынын кызматкерлери уурдалган малдарды Ноокат районуна алып барып, кылмыш ишин жашыруу максатында сатууга даярдап койгон жеринен Кызыл-Кыя шаарынын 31 жаштагы С.И., 29 жаштагы Т.Н., 28 жаштагы Ж.И. аттуу тургундарын кармашты. Ушул тапта сотко чейинки өндүрүш боюнча тергөө иштери жүргүзүлүүдө.

Алишер ТОКСОНБАЕВ “АЙМАК”